2015 جىلعى 24 اقپان, استانا قالاسى
بايلانىس قىزمەتتەرىن كورسەتۋ قاعيدالارىن بەكىتۋ تۋرالى
«بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭىنىڭ 8-بابى 1-تارماعىنىڭ 19-14) تارماقشاسىنا سايكەس بۇيىرامىن:
1. قوسا بەرىلىپ وتىرعان:
1) وسى بۇيرىققا 1-قوسىمشاعا سايكەس تەلەفون بايلانىسى قىزمەتتەرىن كورسەتۋ قاعيدالارى;
2) وسى بۇيرىققا 2-قوسىمشاعا سايكەس ۇيالى بايلانىس قىزمەتتەرىن كورسەتۋ قاعيدالارى;
3) وسى بۇيرىققا 3-قوسىمشاعا سايكەس ينتەرنەت جەلىسىنە قول جەتكىزۋ قىزمەتتەرىن كورسەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ):
1) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون كۇنتۇزبەلىك كۇن ىشىندە كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىندا رەسپۋبليكالىق مەملەكەتتىك كاسىپورىننىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇن ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.ق. جۇماعاليەۆكە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
___________ە.دوساەۆ
2015 ج. 6 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 24 اقپانداعى №171 بۇيرىعىنا 1-قوسىمشا
تەلەفون بايلانىسى قىزمەتتەرىن كورسەتۋ قاعيدالارى
1. جالپى ەرەجەلەر
1. وسى تەلەفون بايلانىسى قىزمەتتەرىن كورسەتۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 1999 جىلعى 1 شىلدەدەگى ازاماتتىق كودەكسىنە, «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەنگەن جانە تىركەلگەن تەلەفون بايلانىسى قىزمەتتەرىن (بۇدان ءارى – تەلەفون بايلانىسى قىزمەتتەرى) كورسەتۋ ءتارتىبىن ايقىندايدى.
2. وسى قاعيدالاردىڭ قولدانىسى قولدانىستاعى زاڭناماعا سايكەس تىركەلگەن تەلەفون بايلانىسى قىزمەتتەرىن جانە ولارمەن تەحنولوگيالىق جاعىنان بايلانىستى قىزمەتتەردى ۇسىناتىن بارلىق بايلانىس وپەراتورلارىنا, ابونەنتتەرگە جانە (نەمەسە) وسى قىزمەتتەردى پايدالانۋشىلارعا تارالادى.
3. وسى قاعيدالاردا پايدالانىلاتىن نەگىزگى ۇعىمدار:
1) ابونەنت – بايلانىس قىزمەتىن كورسەتۋ ماقساتىندا ابونەنتتىك جول, ابونەنتتىك ءنومىر جانە (نەمەسە) سايكەستەندىرۋ كودى بولىنە وتىرىپ, وسىنداي قىزمەت كورسەتۋ ءۇشىن شارت جاساسقان جەكە نەمەسە زاڭدى تۇلعا;
2) ابونەنتتەر تۋرالى قىزمەتتىك اقپارات – ابونەنتتەر تۋرالى مالىمەتتەر (جەكە تۇلعالار ءۇشىن تەلەفون نومىرلەرى, پوچتالىق مەكەنجايى, جەكە سايكەستەندىرۋ ءنومىرى جانە زاڭدى تۇلعالار ءۇشىن رەكۆيزيتتەرى (بيزنەس-سايكەستەندىرۋ ءنومىرى, قوسىلعان قۇن سالىعى بويىنشا ەسەپكە قويىلعاندىعى تۋرالى كۋالىكتىڭ دەرەكتەرى), بيللينگتىك مالىمەتتەر جانە ابونەنتتەرگە كورسەتىلەتىن قىزمەتتەر تۋرالى مالىمەتتەر;
3) ابونەنتتىك جەلى – جەرگىلىكتى تەلەكوممۋنيكاتسيا جەلىسىنىڭ ءبىر بولىگى بولىپ تابىلاتىن جانە ابونەنتتىك قۇرىلعىنى وسى جەلىنىڭ تەلەكوممۋنيكاتسيا قۇرالدارىمەن جالعايتىن بايلانىس جولى;
4) ابونەنتتىك ءنومىر – بايلانىس قىزمەتىن كورسەتۋ تۋرالى شارتتى جاساسۋ كەزىندە ابونەنتكە بولىنەتىن تەلەفون ءنومىرى, ول ارقىلى وعان باسقا ابونەنتتىك قۇرىلعىلاردى جالعاعان كەزدە جەرگىلىكتى تەلەكوممۋنيكاتسيا جەلىسىنە قوسىلعان ابونەنتتىك قۇرىلعى سايكەستەندىرىلەدى;
5) ابونەنتتىك قۇرىلعى – ابونەنت بەرگەن اقپاراتتى بەرۋ نەمەسە قابىلداۋ ءۇشىن ەلەكتر بايلانىسى سيگنالدارىن قالىپتاستىراتىن جانە بايلانىس وپەراتورىنىڭ جەلىسىنە قوسىلاتىن جەكە پايدالانىلاتىن بايلانىس قۇرالى;
6) ايماقتىق تەلەفون بايلانىسى – جەرگىلىكتى تەلەكوممۋنيكاتسيا جەلىسىنە قوسىلعان جانە ءبىر نومىرلەۋ ايماعى شەگىندە ورنالاسقان پايدالانۋشى (تۇپكىلىكتى) جابدىعى اراسىنداعى تەلەفون قوسىلىسى;
7) بايلانىس ارناسى – جيىلىكتەر بەلدەۋىندە تەلەكوممۋنيكاتسيا قۇرالدارىنىڭ اراسىندا نەمەسە وسى بايلانىس ارناسىنا ءتان بەرۋ جىلدامدىعىمەن سيگنال بەرۋدى قامتاماسىز ەتەتىن تەلەكوممۋنيكاتسيا قۇرالدارى مەن تاراتۋ ورتاسىنىڭ كەشەنى. بايلانىس تۇرىنە قاراي ارنالار تەلەفوندىق, تەلەگرافتىق, دەرەكتەر بەرۋ ارنالارى بولىپ, ال اۋماقتىق بەلگىلەرى بويىنشا – حالىقارالىق, قالاارالىق, ايماقتىق جانە جەرگىلىكتى ارنالار بولىپ بولىنەدى;
8) بايلانىس جولدارى – تاراتۋ جولدارى (كابەلدىك, راديورەلەلىك, جەرسەرىكتىك جانە باسقالارى), بايلانىستىڭ فيزيكالىق تىزبەكتەرى جانە جول-كابەلدىك قۇرىلعىلارى, ونىڭ ىشىندە ماگيسترالدىق (حالىقارالىق جانە قالاارالىق) جولدار;
9) بايلانىس قىزمەتتەرى (بۇدان ءارى – تەلەفون بايلانىس قىزمەتتەرى) – تەلەكوممۋنيكاتسيا حابارلامالارىن قابىلداۋ, وڭدەۋ, ساقتاۋ, بەرۋ, جەتكىزۋ جونىندەگى قىزمەت;
10) بايلانىس قىزمەتتەرىن كورسەتۋ – بايلانىس وپەراتورلارىنىڭ بايلانىس قىزمەتتەرىن پايدالانۋشىلارعا ەكونوميكالىق قىزمەت تۇرلەرى ءونىمىنىڭ جالپى سىنىپتاۋىشىندا كەلتىرىلگەن بايلانىس قىزمەتتەرىن كورسەتۋدى قامتيتىن قىزمەتى;
11) تەلەفون بايلانىسى قىزمەتتەرىن پايدالانۋشى (بۇدان ءارى – پايدالانۋشى) – تەلەفون بايلانىسى قىزمەتتەرىن الۋشى جەكە نەمەسە زاڭدى تۇلعا;
12) بايلانىس وپەراتورى – بايلانىس قىزمەتتەرىن كورسەتەتىن جەكە نەمەسە زاڭدى تۇلعا;
13) بايلانىس وپەراتورىنىڭ ارەكەت ەتۋ ايماعى – بايلانىس وپەراتورى ءوزىنىڭ تەلەكوممۋنيكاتسيا جەلىسىنىڭ مۇمكىندىكتەرىنە سايكەس تەلەفون بايلانىسى قىزمەتتەرىن كورسەتۋگە كەپىلدىك بەرەتىن اۋماق;
14) بيللينگ – ابونەنتتەرگە كورسەتىلەتىن قىزمەتتەردى ەسەپكە الۋ وپەراتسيالارىن اۆتوماتتى تۇردە ورىنداۋعا, سونداي-اق, ولاردى ترافيكتەۋگە جانە اقى تولەۋ ءۇشىن شوتتار بەرۋگە ارنالعان باعدارلامالىق-اپپاراتتىق كەشەن;
15) ەسەپ ايىرىسۋ كەزەڭى – بايلانىس وپەراتورى بەلگىلەگەن ەسەپتىك كەزەڭ اياقتالعاننان كەيىنگى كەزەڭ, ابونەنت وسى كەزەڭ ىشىندە كورسەتىلگەن تىركەلگەن تەلەفون بايلانىسى قىزمەتتەرىنە تولەم جاسايدى;
16) ەسەپكە الۋ كەزەڭى – كۇنتىزبەلىك اي, وسى كەزەڭ ىشىندە تاريفتىك جوسپارعا سايكەس كورسەتىلگەن جانە ەسەپتەلگەن بايلانىس قىزمەتتەرى جانە وزگە قىزمەتتەر;
17) جالعاۋ جەلىسى – تەلەكوممۋنيكاتسيانىڭ جالعايتىن جانە جالعاناتىن جەلىلەرىنىڭ اراسىنداعى ءوزارا ءىس-قيمىلدى قامتاماسىز ەتەتىن, بايلانىس جەلىسى مەن ستانتسيالىق جابدىقتاۋ بولىگىن قامتيتىن تەحنيكالىق قۇرالدار كەشەنى;
18) جەكە كابينەت – ءوز-وزىنە قىزمەت كورسەتۋدىڭ, قىزمەتتەردى باقىلاۋدىڭ جانە باسقارۋدىڭ, سونداي-اق وزگە دە ماڭىزدى زاڭعا قاتىستى ارەكەتتەردى جاساۋدىڭ اۆتوماتتىق ينتەرفەيسى بار ابونەنتتىڭ پاراقشاسى, ابونەنت وعان پارول ەنگىزۋ ارقىلى كىرەدى. جەكە كابينەتتىڭ كومەگىمەن ابونەنت تەلەكوممۋنيكاتسيا قىزمەتتەرىنە جازىلىپ, ونى وزگەرتە الادى, كورسەتىلگەن قىزمەتتەرگە اقى تولەيدى, جەكە كابينەتتىڭ فۋنكتسيونالدىق مۇمكىندىكتەرىمەن كوزدەلگەن وزگە دە ارەكەتتەردى ورىنداي الادى;
19) جەرگىلىكتى تەلەكوممۋنيكاتسيا جەلىسى – ەلدى مەكەننىڭ اۋماعىندا ەلەكتر بايلانىسىن جۇزەگە اسىرۋعا ارنالعان تەلەكوممۋنيكاتسيا جەلىسى مەن قۇرالى. جەرگىلىكتى تەلەكوممۋنيكاتسيا جەلىلەرى ەلدى مەكەننىڭ مارتەبەسىنە قاراي قالالىق جانە اۋىلدىق دەپ بولىنەدى;
20) جەرگىلىكتى تەلەفون بايلانىسى – تەلەكوممۋنيكاتسيانىڭ ءبىر جەرگىلىكتى جەلىسى شەڭبەرىندەگى ابونەنتتەر, پايدالانۋشىلار اراسىنداعى تەلەفون قوسىلۋى;
21) قىزمەتكە اقى تولەۋدىڭ ارالاس جۇيەسى – تولەۋ جۇيەسى, بەلگىلى ءبىر ۋاقىت كەزەڭى ءۇشىن بايلانىستى پايدالانۋشىنىڭ تولەم سوماسى مىنادان تۇرادى:
تۇراقتى قۇرامداس بولىكتەن – ابونەنتتىك جەلىنىڭ تۇرىنە قاراماستان ونىڭ ابونەنتكە تۇراقتى پايدالانۋعا بەرىلگەنى جانە جەرگىلىكتى جالعاۋدى تاريفتەۋ بىرلىگىنىڭ بەلگىلى ءبىر سانى ءۇشىن تولەماقىدان;
ۋاقىتىنا قاراي قۇرامداس بولىكتەن – تەلەفون قوسىلىسى بەرىلگەنى ءۇشىن ونىڭ تاريفتەۋ بىرلىگىمەن العانداعى ناقتى ۇزاقتىعىنا قاراي تولەماقىدان تۇراتىن اقى;
22) قىزمەتكە ۋاقىتىنا قاراي اقى تولەۋ جۇيەسى – بەلگىلى ءبىر ۋاقىت كەزەڭى ءۇشىن بايلانىستى پايدالانۋشىنىڭ تولەم سوماسى تاريفتەۋ بىرلىگىمەن العانداعى ناقتى ۇزاقتىعىنا قاراي تەلەفون قوسىلىسىنىڭ بەرىلگەنى ءۇشىن تولەماقىنى قامتيتىن قىزمەتكە اقى تولەۋ جۇيەسى;
23) ورتاق پايدالانىلاتىن تەلەكوممۋنيكاتسيا جەلىسى – جەكە جانە زاڭدى تۇلعالاردىڭ پايدالانۋى ءۇشىن قولجەتىمدى تەلەكوممۋنيكاتسيا جەلىسى;
24) تاريفتەۋ بىرلىگى – قازاقستان رەسپۋبليكاسى تەلەكوممۋنيكاتسياسىنىڭ بىرىڭعاي جەلىسىنە كىرەتىن بايلانىس وپەراتورلارى مەن بارلىق ساناتتاعى جەلى يەلەرى ءۇشىن مىندەتتى بولىپ تابىلاتىن, بايلانىس قىزمەتىنىڭ ءتيىستى ءتۇرى ءۇشىن تولەماقى الىناتىن ۋاقىتتى, اقپارات سانىن نەمەسە كولەمىن ولشەۋ بىرلىگى;
25) تەلەكوممۋنيكاتسيا جەلىسى – كوممۋتاتسيالىق جابدىقتاردان (ستانسالاردان, كىشى ستانسالاردان, كونتسەنتراتورلاردان), جەلىجول-كابىلدىك قۇرىلىستاردان (ابونەنتتىك, جالعاۋ جەلىجولدارى مەن ارنالارىنان), بەرۋ جۇيەلەرى مەن ابونەنتتىك قۇرىلعىلاردان تۇراتىن تەلەكوممۋنيكاتسيا حابارلامالارىنىڭ بەرىلۋىن قامتاماسىز ەتەتىن تەلەكوممۋنيكاتسيا قۇرالدارى مەن بايلانىس جەلىجولدارىنىڭ جيىنتىعى;
26) تەلەكوممۋنيكاتسيا قۇرالدارى (بايلانىس قۇرالدارى) – ەلەكتر ماگنيتتىك نەمەسە وپتيكالىق سيگنالداردى قالىپتاستىرۋعا, بەرۋگە, قابىلداۋعا, ساقتاۋعا, وڭدەۋگە, كوممۋتاتسيالاۋعا نەمەسە ولاردى باسقارۋعا مۇمكىندىك بەرەتىن تەحنيكالىق قۇرىلعىلار, جابدىقتار, جۇيەلەر جانە باعدارلامالىق قۇرالدار;
27) تەلەكوممۋنيكاتسيا حابارلامالارى – تەلەكوممۋنيكاتسيا قۇرالدارىنىڭ كومەگىمەن بەرىلەتىن اقپارات;
28) تەلەفون قوسىلىستارى قىزمەتىنە اقى تولەۋدىڭ ابونەنتتىك تىركەلگەن جۇيەسى (بۇدان ءارى – قىزمەتكە اقى تولەۋدىڭ ابونەنتتىك جۇيەسى) – بايلانىستى پايدالانۋشىنىڭ بەلگىلى ءبىر ۋاقىت كەزەڭىندەگى تولەمدەر سوماسى ابونەنتتىك جەلىجولدى ونىڭ تۇرىنە قاراماستان, ابونەنتكە تۇراقتى پايدالانۋعا بەرۋ تولەماقىسىن جانە جەرگىلىكتى تەلەفون قوسىلىسىنىڭ ءبىر ابونەنتكە شاققانداعى ورتاشا ۇزاقتىعىنا قاراي تولەماقىنى قامتيتىن, قىزمەتكە اقى تولەۋ جۇيەسى;
29) تەرمينال – ابونەنت (پايدالانۋشى) بەرگەن اقپاراتتى بايلانىس ارنالارى بويىنشا بەرۋ جانە (نەمەسە) قابىلداۋ ءۇشىن ەلەكتر بايلانىسى دابىلىن قالىپتاستىراتىن, ابونەنتتىك جەلىگە قوسىلاتىن تۇپكىلىكتى جابدىق;
30) تەرمينالداردى قوسۋدىڭ قوسارلانعان سحەماسى – ەكى تەرمينالدى ءبىر ابونەنتتىك جەلىگە قوسۋ ءتاسىلى, بۇل كەزدە وسى ەكى تەرمينال ءۇشىن ولاردى ءبىر ۋاقىتتا بايلانىستىرۋ مۇمكىن ەمەس;
31) ترافيك – بايلانىس قۇرالدارىنا جۇكتەمە جاسايتىن شاقىرۋلار, حابارلامالار مەن دابىلدار لەگى;
32) ۇكىمەتتىك بايلانىس – مەملەكەتتى باسقارۋ قاجەتتىلىگى ءۇشىن ارنايى قورعالعان بايلانىس;
33) ءىرى اپات – سىيىمدىلىعى 100 جانە ودان دا كوپ ابونەنتتىك جەلىجولداردان تۇراتىن بايلانىس جەلىلەرىنىڭ نەمەسە كوممۋتاتسيالىق جابدىقتاردىڭ زاقىمدانۋى;
34) تاريف – بەلگىلى ءبىر بايلانىس قىزمەتتەرىن كورسەتۋگە بايلانىس وپەراتورىمەن بەلگىلەگەن تولەم;
35) تاريفتىك جوسپار – بايلانىس قىزمەتتەرى تىزبەسى مەن قۇنىن, ولاردى كورسەتۋ ەرەكشەلىكتەرى مەن تاريفتەۋدى ايقىندايتىن, بايلانىس وپەراتورى ابونەنتتەرگە, نەمەسە ابونەنتتەردىڭ بەلگىلى ءبىر توبىنا, نەمەسە بەلگىلى ءبىر شەكتەۋلى اۋماقتا بەلگىلەيتىن تاريفتىك ۇسىنىستار جيىنتىعى;
36) تەحنيكالىق مۇمكىندىك – ابونەنتكە بايلانىس قىزمەتتەرىن كورسەتۋگە قاجەتتى, تەلەكوممۋنيكاتسيا جەلىسى قولدانىستاعى ايماقتا جۇمىس ىستەيتىن تەحنيكالىق قۇرالدار مەن قۇرىلىستاردىڭ بولۋى (نومىرلەر رەسۋرستارىنىڭ ابونەنتتىك بايلانىس جەلىلەرى).
4. تابيعي جانە تەحنوگەندىك سيپاتتاعى توتەنشە جاعدايلار ۋاقىتىندا مەملەكەتتىك ورگانداردىڭ سايكەس, ۇكىمەتتىك بايلانىستى قوسپاعاندا كەز كەلگەن جەلىلەر مەن بايلانىس قۇرالدارىن باسىمدى پايدالانۋعا, سونداي-اق جۇمىستارىن توقتاتا تۇرۋعا قۇقىعى بار.
5. تەلەفون بايلانىسى قىزمەتتەرىن كورسەتۋ كەزىندە تۋىندايتىن بايلانىس وپەراتورىنىڭ ابونەنتتەرمەن ءوزارا قارىم-قاتىناسى مەملەكەتتىك جانە/نەمەسە ورىس تىلدەرىندە جۇزەگە اسىرىلادى.
6. بايلانىس وپەراتورلارى قازاقستان رەسپۋبليكاسىنىڭ زاڭدارىندا بەلگىلەنگەن جاعدايلاردا جانە تارتىپپەن وسى قۇقىقتى شەكتەۋ جاعدايلارىن قوسپاعاندا, تەلەكوممۋنيكاتسيا جەلىلەرى ارقىلى جۇزەگە اسىرىلاتىن تەلەفون سويلەسۋلەرىنىڭ, سونداي-اق ولار تۋرالى اقپاراتتىڭ قۇپيالىعىن قامتاماسىز ەتەدى.
7. تەلەفون بايلانىسى قىزمەتتەرى قازاقستان رەسپۋبليكاسىنىڭ ازاماتتىق زاڭناماسىنا جانە وسى قاعيدالارعا سايكەس بايلانىس وپەراتورى مەن ابونەنت اراسىندا جاسالاتىن تەلەفوندىق بايلانىس قىزمەتتەرىن كورسەتۋ تۋرالى جاريا شارتتىڭ (بۇدان ءارى – شارت) نەگىزىندە كورسەتىلەدى.
2. تەلەفون بايلانىسى قىزمەتتەرىن كورسەتۋ ءتارتىبى
8. مىنالار:
1) جەرگىلىكتى تەلەفون بايلانىسى قىزمەتتەرى;
2) ايماقتىق جانە قالاارالىق تەلەفون بايلانىسى قىزمەتتەرى;
3) حالىقارالىق تەلەفون بايلانىسى قىزمەتتەرى تەلەفون بايلانىسى قىزمەتتەرى بولىپ تابىلادى.
تەلەفون بايلانىسى قىزمەتتەرى ابونەنتتىك قۇرىلعىلاردان نەمەسە تاكسوفوننان جەرگىلىكتى, ايماقتىق, قالاارالىق جانە حالىقارالىق تەلەفون قوسىلۋلارىن, سونداي-اق باسقا دا بايلانىس وپەراتورلارىنىڭ تەلەكوممۋنيكاتسيا جەلىلەرىمەن قوسىلۋلارىن جۇزەگە اسىرۋ مۇمكىندىگىنىڭ ۇسىنىلۋىن قامتاماسىز ەتەدى.
9. تەلەفون بايلانىسى قىزمەتتەرى بارلىق ساناتتاعى ابونەنتتەرگە جانە پايدالانۋشىلارعا تەڭ جاعدايدا كورسەتىلەدى.
10. بايلانىس وپەراتورىنىڭ ابونەنتكە تەلەفون بايلانىسى قىزمەتىن كورسەتكەندە وعان وزگە اقىلى قىزمەتتەرىن كۇشتەپ جۇكتەۋگە جول بەرىلمەيدى.
11. ابونەنت:
1) ەگەر ول جەكە تۇلعا بولىپ تابىلسا, تولەم قىبىلداۋ جۇيەلەر ەنگىزىلگەن قالالاردا تەحنيكالىق مۇمكىندىك بولعان جاعدايدا قىزمەتكە اقى تولەۋدىڭ ابونەنتتىك, ۋاقىتپەن ەسەپكە الۋ نەمەسە ارالاس جۇيەسىن تاڭدايدى;
2) تەلەفون بايلانىسى قىزمەتىن رۇقسات ەتىلگەن جۇكتەمەلەر شەگىندە وزىنە قاجەت كولەمدە, ولاردى ءوتىنىشى بويىنشا قوسا وتىرىپ, پايدالانادى;
3) بايلانىس وپەراتورىندا تەحنيكالىق مۇمكىندىك بولعاندا, قالاارالىق, حالىقارالىق تەلەفون قوسىلىستارىنا نەمەسە ۇيالى بايلانىس وپەراتورلارىنىڭ جەلىسىنە قوسىلىستارعا جازباشا ءوتىنىش بەرۋ ارقىلى ليميت قويا الادى;
4) ابونەنتتىڭ كىناسىنەن ەمەس بايلانىستىڭ بولماعان كەزەڭىندە, تەلەفون جەلىلەرىندەگى اۆاريالار كەزىندە تولەنگەن تەلەفون بايلانىسى قىزمەتتەرى ءۇشىن, ابونەنتتىڭ كەلىسىمىنسىز وزگە قوسىمشا قىزمەتتەردى كورسەتكەنى ءۇشىن تولەمدەردى قايتا ەسەپتەۋدى جازباشا تالاپ ەتەدى;
5) بايلانىس قىزمەتتەرiن پايدالانۋشىلار ءۇشiن قوسىلۋى تەگىن بولىپ تابىلاتىن شۇعىل مەديتسينالىق, قۇقىق قورعاۋ, ءورت, اپات, انىقتاما جانە باسقا دا قىزمەتتەر قازاقستان رەسپۋبليكاسى ۇكىمەتىنىڭ 2004 جىلعى 3 قىركۇيەكتەگى №929 قاۋلىسىنا (بۇدان ءارى – ءتىزىم) سايكەس شۇعىل مەديتسينالىق, قۇقىق قورعاۋ, ءورت, اۆاريا, انىقتاما جانە باسقا دا قىزمەتتەردiڭ جەدەل شۇعىل قىزمەتتەرىن شاقىرتۋ ءۇشىن تەلەفون بايلانىسىن تەگىن پايدالانادى;
6) بۇل تۋرالى بايلانىس وپەراتورىنا جازباشا حابارلاپ جانە وعان كەلتىرىلگەن شىعىستاردى تولەي وتىرىپ, شارتتى ءبىر جاقتى تارتىپپەن بۇزادى;
7) ونىڭ ءنومىرىن انىقتامالىق-اقپاراتتىق قىزمەتتەرىنىڭ ابونەنتتەر تىزىمىنە ەنگىزۋدەن جازباشا باس تارتادى;
8) ابونەنتتىڭ قۇرىلعىلاردىڭ تەحنيكالىق جۇكتەمەلەرىن مۇمكىن شەگىندە پايدالانادى;
9) وعان كورسەتىلگەن تەلەفون بايلانىسى قىزمەتتەرى ءۇشىن ۋاقتىلى جانە تولىق كولەمدە تولەم جاسايدى;
10) قاجەت بولعان جاعدايدا, بايلانىس وپەراتورى وكىلدەرىنىڭ ابونەنتتىك قۇرالدارعا جانە بايلانىس قۇرالدارى ورنالاسقان ءۇيجايلار مەن اۋماقتارعا, ولاردى تەكسەرۋ, جوندەۋ جانە تەحنيكالىق قىزمە كورسەتۋ مەن جاڭعىرتۋ ءۇشىن قول جەتكىزۋ مۇمكىندىگىن بەرەدى;
11) بايلانىس وپەراتورىنا ايلىق مەرزىمدە تەلەفونداندىرىلعان ءۇيجايلاردى ساتاتىنى تۋرالى, تەگىن, اتىن, اكەسىنىڭ اتىن وزگەرتەتىنى تۋرالى, مەكەنجايىن وزگەرتەتىنى تۋرالى حابارلايدى;
12) ءوزىنىڭ ورىنجايىندا ابونەنتتىك جەلىجولدى جانە تەرمينالدى جارامدى جاي-كۇيدە كۇتىپ ۇستايدى.
12. بايلانىس وپەراتورى:
1) تەلەفون بايلانىسى قىزمەتىن تولەۋ بويىنشا جەڭىلدىكتەردى جوعالتۋ نەمەسە ونىڭ بار كەزىندە ابونەنتكە تەلەفون بايلانىسى قىزمەتتەرىنىڭ قۇنىنا قايتا ەسەپ ايىرىسۋدى جۇرگىزەدى;
2) ابونەنت تەلەفون جەلىسىنە قوسىلۋ قۇنىن تولەگەننەن كەيىن كۇنتىزبەلىك ون كۇن ىشىندە ابونەنتتىك تەرمينال ءنومىرىن بەرە وتىرىپ نەمەسە شارت جاسالعاننان كەيىن ابونەنتپەن ۋاعدالاسىپ, تەلەفون جەلىسىنە قوسىلۋ قۇنىن كورسەتىلگەن قىزمەتتەردىڭ جالپى ەسەبىنە قوسا وتىرىپ, تەلەفون بايلانىسى قىزمەتتەرىن كورسەتۋدى باستايدى;
3) كورسەتىلەتىن تەلەفون بايلانىسى قىزمەتتەرىنىڭ ساپاسى مەن سانىنا ەسەپ پەن باقىلاۋ جۇرگىزەدى, بۇزۋشىلىقتاردىڭ الدىن الۋ جانە ولاردى جويۋ بويىنشا شارالار قابىلدايدى;
4) ەسەپ قۇرالدارىنا تەحنيكالىق كۇتىم جاساۋ جانە تەكسەرۋ جۇرگىزەدى;
5) ابونەنت تەلەفون بايلانىسى قىزمەتىنىڭ ساپاسى ناشارلاعانى تۋرالى ءوتىنىشتى بەرگەن كۇنىنەن باستاپ كۇنتىزبەلىك ءۇش كۇن ىشىندە ساپاسىن قالپىنا كەلتىرۋ بويىنشا قاجەتتى شارالاردى قابىلدايدى جانە ابونەنتتىك تولەمنىڭ قايتا ەسەبىن جۇرگىزەدى;
6) ابونەنتتىڭ ءوتىنىشى بويىنشا ستانسالىق جانە جەلىجولدىق زاقىمدانۋدى جويادى;
7) كورسەتىلگەن تەلەفون بايلانىسى قىزمەتتەرى ءۇشىن ايىنا ءبىر رەت شوت ۇسىنادى;
8) ابونەنتتىڭ كىناسىنەن بولماعان, ابونەنتتىك قۇرىلعىنىڭ ناقتى جۇمىس ىستەمەي تۇرعان كەزەڭىندە ابونەنتتىك تولەمگە قايتا ەسەپتەۋ جۇرگىزەدى;
9) ابونەنتكە تەلەفون جەلىلەرىندەگى اۆاريالار تۋرالى جانە وسى اۆاريالاردى جويۋدىڭ بولجامدى مەرزىمى تۋرالى حابارلايدى;
10) ابونەنتكە ابونەنتتىك ءنومىردى الماستىرۋ تۋرالى جانە (نەمەسە) سەبەپتەرىن كورسەتە وتىرىپ, تەرمينالدى اجىراتۋ تۋرالى 30 كۇنتىزبەلىق كۇن بۇرىن قولجەتىمدى تاسىلمەن حاباردار ەتەدى;
11) ابونەنتتىڭ كەلىسىمى بويىنشا ولاردى قولدانىسقا ەنگىزگەنگە دەيىن 30 كۇنتىزبەلىق كۇننەن كەشىكتىرمەي بۇل تۋرالى وعان حاباردار ەتە وتىرىپ, بايلانىس قىزمەتتەرىنە ارنالعان تاريفتەردىڭ شارتتارىن وزگەرتەدى;
12) ۋاقىتىندا اقىسىن تولەمەگەنى ءۇشىن اجىراتىلعان تەلەفون بايلانىسى قىزمەتتەرىنە قولجەتىمدىلىكتى بەرەشەكتى وتەگەن كەزدەن باستاپ جيىرما ءتورت ساعات ىشىندە تەگىن قايتا ىسكە قوسادى;
13) ابونەنتتىڭ تالابى بويىنشا وعان تەلەفون بايلانىسى قىزمەتتەرىن كورسەتۋمەن بايلانىستى اقپاراتتى ۇسىنادى;
14) ابونەنتتەرگە تەلەفوندى بايلانىس قىزمەتتەرىنە اكتسيالىق تاريفتىك جوسپارلاردى ۇسىنادى جانە ابونەنتتەردىڭ كەلىسىمى بويىنشا قولدانادى.
13. قازاقستان رەسپۋبليكاسىنىڭ بارلىق اۋماعىندا بىرىڭعاي نومىرلەردى تەرۋ ارقىلى شۇعىل مەديتسينالىق (103), قۇقىق قورعاۋ (102), ورتكە قارسى (101), اپاتتى (104), قۇتقارۋ (112), انىقتامالىق (118) قىزمەتتەردى شاقىرۋ پايدالانۋشىلار ءۇشىن تىزىمگە سايكەس تەگىن بولىپ تابىلادى. كورسەتىلگەن نومىرلەرمەن بايلانىستى اجىراتىپ تاستاۋعا جانە (نەمەسە) شەكتەۋگە جول بەرىلمەيدى
14. بايلانىس وپەراتورلارىنىڭ سوت شەشىمى بولماسا, بايلانىس ارنالارىن اجىراتۋعا جانە (نەمەسە) ۇكىمەتتىك بايلانىس قىزمەتتەرىن, قازاقستان رەسپۋبليكاسىنىڭ اسكەري باسقارۋ, ۇلتتىق قاۋىپسىزدىك جانە ىشكى ىستەر ورگاندارىنا بايلانىس قىزمەتتەرىن كورسەتۋدى اجىراتپايدى.
15. بايلانىس وپەراتورىمەن تەلەفوندى بايلانىس قىزمەتتەرىن كورسەتۋ كەزىندە, وزگە دە قىزمەتتەردى الۋ شارتتارىن ورىنداماعان جاعدايدا, ابونەنتتىڭ/پايدالانۋشىلاردىڭ قۇقىقتارىن شەكتەۋگە جول بەرىلمەيدى.
16. جەكە نەمەسە زاڭدى تۇلعالارمەن شارتقا وتىرۋعا تەحنيكالىق مۇمكىندىكتىڭ بولماۋى, ەگەر قازاقستان رەسپۋبليكاسىنىڭ زاڭناماسىندا باسقالاي كوزدەلمەسە, ءوتىنىشتى كەشىرەك بەرگەن جانە تەحنيكالىق مۇمكىندىگى بار باسقا ۇيلەر مەن كىرەبەرىستەردە (پودەزد) تۇراتىن, جەكە نەمەسە زاڭدى تۇلعالارمەن شارت جاساسۋعا كەدەرگى ەتپەيدى.
17. بايلانىس وپەراتورىنىڭ ارەكەت ەتۋ ايماعىندا (وسى جەرگىلىكتى تەلەكوممۋنيكاتسيا جەلىسىنىڭ شەڭبەرىندە) ابونەنتتىڭ مەكەنجايى وزگەرگەن جاعدايدا, ونىڭ ءوتىنىشى بويىنشا جانە تەحنيكالىق مۇمكىندىك بولعاندا شارت بۇرىن بولىنگەن ابونەنتتىك ءنومىردى (نومىرلەردى) پايدالانۋمەن قايتا راسىمدەلەدى نەمەسە جاڭا ءنومىر (نومىرلەر) بەرىلەدى. جاڭا مەكەنجاي بويىنشا كورسەتىلگەن شارت ورىنداۋ ءۇشىن تەحنيكالىق مۇمكىندىك بولماعان جاعدايدا, ابونەنت تەلەفون ورناتۋ كەزەگىنە قويىلادى.
1 پاراگراف. قالاارالىق جانە (نەمەسە) حالىقارالىق تەلەفون بايلانىسى
وپەراتورىن تاڭداۋ كەزىندە قالاارالىق جانە (نەمەسە) حالىقارالىق تەلەفون بايلانىسى
قىزمەتتەرىن كورسەتۋدىڭ ەرەكشەلىكتەرى
18. بايلانىس وپەراتورلارى ءوز جەلىلەرىندە بايلانىس قىزمەتتەرىن ءاربىر پايدالانۋشىعا قالاارالىق جانە (نەمەسە) حالىقارالىق تەلەفون بايلانىسى وپەراتورىن ەركىن تاڭداۋدا تەحنيكالىق مۇمكىندىكتى قامتاماسىز ەتەدى.
19. قالاارالىق جانە (نەمەسە) حالىقارالىق تەلەفون بايلانىسى وپەراتورىن ەركىن تاڭداۋ مىناداي جولدارمەن ۇيىمداستىرىلادى:
1) الدىن الا تاڭداۋ;
2) وپەراتوردى ءاربىر شاقىرۋ كەزىندە تاڭداۋ.
2 پاراگراف. تەلەفون بايلانىسى قىزمەتتەرىن بايلانىس وپەراتورىنىڭ
ۇجىمدىق پايدالانۋ پۋنكتتەرىندە جانە تاكسوفونداردى
پايدالانا وتىرىپ كورسەتۋ
20. وپەراتوردىڭ ۇجىمدىق پايدالانۋ پۋنكتتەرىندە (سويلەسۋ پۋنكتتەرىندە) تەلەفون بايلانىسى قىزمەتتەرىن كورسەتۋگە تاپسىرىس پايدالانۋشىنىڭ ايتۋىمەن جانە ونىڭ كوزىنشە تاپسىرىس بلانكىسىن تولتىرۋ جولىمەن رەسىمدەلەدى. بۇل رەتتە پايدالانۋشىعا تەلەفون بايلانىسى قىزمەتتەرىن كورسەتۋگە تاپسىرىستىڭ قابىلدانعانىن راستايتىن تۇبىرتەك نەمەسە باسقا قۇجات بەرىلەدى, وندا:
1) بايلانىس وپەراتورىنىڭ اتاۋى. ەگەر بايلانىس وپەراتورى جەكە كاسىپكەر بولسا – ونىڭ تەگى, اتى, اكەسىنىڭ اتى جانە مەملەكەتتىك تىركەۋ تۋرالى مالىمەتتەر كورسەتىلەدى;
2) پايدالانۋشىنىڭ تەگى, اتى, اكەسىنىڭ اتى;
3) تەلەفون بايلانىسى قىزمەتىنىڭ اتاۋى;
4) تەلەفون بايلانىسى قىزمەتىنىڭ باعاسى;
5) بايلانىس وپەراتورىنىڭ قالاۋىمەن باسقا دا مالىمەتتەر قامتىلادى.
21. پايدالانۋشى ۇجىمدىق پايدالانۋ پۋنكتتەرىندە قالاارالىق جانە حالىقارالىق تەلەفون بايلانىسىنىڭ اۆتوماتتى جۇيەسىن پايدالانۋعا تاپسىرىس بلانكىسىن رەسىمدەمەي, اۆانس سوماسىن ەنگىزگەننەن كەيىن جىبەرىلەدى.
قىزمەتتى پايدالانۋ اياقتالعان سوڭ, ۇجىمدىق قاتىناۋ پۋنكتتەرىنىڭ وپەراتورى تەلەفون بايلانىسى قىزمەتتەرىن پايدالانۋشىمەن مىناداي اقپاراتتان تۇراتىن تۇبىرتەكتى نەمەسە ەسەپ ايىرىسۋ چەگىن بەرە وتىرىپ, تۇپكىلىكتى ەسەپ ايىرىسادى:
1) بايلانىس وپەراتورىنىڭ اتاۋى. ەگەر بايلانىس وپەراتورى جەكە كاسىپكەر بولسا – ونىڭ تەگى, اتى, اكەسىنىڭ اتى جانە مەملەكەتتىك تىركەۋ تۋرالى مالىمەتتەر كورسەتىلەدى;
2) ۇجىمدىق پايدالانۋ پۋنكتتى تۋرالى مالىمەتتەر;
3) كۇنى, ۋاقىتى;
4) اۆانس سوماسى;
5) قىزمەت قۇنى;
6) بايلانىس وپەراتورىنىڭ قالاۋىمەن بايلانىس قىزمەتتەرىنە باسقا دا دەرەكتەر.
22. تاكسوفونداردى پايدالانا وتىرىپ, تەلەفون بايلانىسى قىزمەتتەرىن كورسەتۋ مىندەتتەمەسىن بايلانىس وپەراتورى پايدالانۋشىنىڭ تەلەفون بايلانىسى قىزمەتتەرىن الۋعا قاجەتتى ارەكەتتەردى ونىڭ جاساعانىنان, جەتون نەمەسە پلاستيكالىق كارتانى العانىنان, تەلەفون بايلانىسى قىزمەتتەرىنە اقى تولەۋ ءۇشىن باسقا دا تولەم قۇرالىن پايدالانعانىنان باستاپ قابىلدايدى.
بايلانىس وپەراتورى پايدالانۋشىنى ءوزىنىڭ اتاۋى, ورنالاسقان جەرى, جۇمىس ءتارتىبى تۋرالى, سونداي-اق تەلەفون بايلانىسى قىزمەتتەرىن الۋ ءۇشىن پايدالانۋشىنىڭ جاساۋى ءتيىس ارەكەتتەرى تۋرالى اقپاراتپەن حاباردار ەتەدى. بۇل اقپارات تاكسوفوننىڭ جانىندا ورنالاستىرىلادى نەمەسە پايدالانۋشىعا باسقا دا قولجەتىمدى تاسىلمەن بەرىلەدى.
3 پاراگراف. تەلەفون قوسىلىستارىنىڭ ۇزاقتىعىن جانە
قۇنىن انىقتاۋدى ەسەپكە الۋ
23. جەرگىلىكتى, قالاارالىق جانە حالىقارالىق تەلەفون قوسىلۋلارىنىڭ بولعان ۇزاقتىعىن ەسەپتەۋ تاريفتەۋ بىرلىگىنە سايكەس جۇرگىزىلەدى.
24. «بەلگىلى ءبىر ابونەنتتىك ءنومىردى شاقىرۋ» نەمەسە «دەربەس قوسىلىس» قىزمەتىمەن قالاارالىق نەمەسە حالىقارالىق تەلەفون قوسىلىسى كەزىندە تەلەفون قوسىلىستارى ۇزاقتىعىنىڭ ەسەبى ابونەنتتىك قۇرىلعىنىڭ شاقىرىلىپ وتىرعان كەز-كەلگەن تۇلعانىڭ جاۋاپ بەرۋ ساتىنەن, نە بولماسا ابونەنتتىك قۇرىلعىنىڭ بەلگىلى جانە/نەمەسە دىبىستاسپانى قوسۋ ساتىنەن باستاپ انىقتالادى.
25. «كونفەرەنتس-بايلانىس» قىزمەتىنىڭ ۇزاقتىعى شاقىرۋشى تۇلعامەن بارلىق شاقىرىلۋشى تۇلعالاردى قوسقاننان كەيىن ەسەپكە الىنىپ, شاقىرۋشى تۇلعانىڭ توقتاتۋ سيگنالىن بەرۋ ساتىندە اياقتالادى.
26. جەرگىلىكتى (جەرگىلىكتى قوسىلۋلار ۇزاقتىعىن ۋاقىت بويىنشا قاراي ەسەپكە الۋ جۇيەسى ەنگىزىلگەننەن كەيىن), اۆتوماتتى قالاارالىق نەمەسە حالىقارالىق تەلەفون قوسىلۋلارىن كورسەتۋ كەزىندە اقىسى تولەنۋگە جاتاتىن ۋاقىت شاقىرىلۋشى ابونەنتتىڭ كەز-كەلگەن تۇلعانىڭ جاۋاپ بەرۋى ساتىنەن باستاپ ابونەنتتىك قۇرىلعىسىنىڭ بايلانىسىن ءۇزۋ ساتىنە دەيىن انىقتالادى.
27. تەلەفون قوسىلۋى ءۇشىن تولەم تاريفتەۋدىڭ تولىق بىرلىكتەرىنىڭ سانى بويىنشا تاريفكە كوبەيتىلگەن تەلەفون قوسىلىستارىنىڭ ناقتى ۇزاقتىعىمەن انىقتالادى.
28. ەگەر تەلەفون بايلانىسى قىزمەتتەرىن كورسەتۋ كەزىندە شاقىرىلاتىن تۇلعانىڭ جەلىسى زياتكەرلىك قىزمەتتەردى (لوتەرەيا, داۋىس بەرۋ, تەلەۆيكتورينا, ۆيكتورينا, انىقتامالىق-اقپاراتتىق قىزمەتتەر, تانىسۋ قىزمەتتەرى) ۇسىنۋ بويىنشا جابدىققا قوسىلعانى ايقىندالسا, تاريفتەلەتىن قوسىلىس باستالعانعا دەيىن بايلانىس وپەراتورى ابونەنتكە وسى قوسىلىستىڭ قۇنى تۋرالى جانە «تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسىنىڭ 2010 جىلعى 4 مامىرداعى زاڭىنا سايكەس اقپاراتتى ۇسىنا وتىرىپ حابارلايدى.
ابونەنت تەلەفون قوسىلىسىنا كەلىسكەن جاعدايدا (ياعني ابونەنت مۇنداي قوسىلىستى ۇزبەگەن جاعدايدا) وسى قوسىلىس ءۇشىن تولەم تاريفتەۋدىڭ تولىق بىرلىكتەرىنىڭ سانى بويىنشا تاريفكە كوبەيتىلگەن تەلەفون قوسىلىستارىنىڭ ۇزاقتىعىمەن انىقتالادى.
ەگەر ابونەنت مۇنداي قوسىلىسقا كەلىسپەسە (ياعني ءتيىستى حابارلامانى العان سوڭ, وسى قوسىلىستى ۇزگەن جاعدايدا), وندا قوسىلىستى ورناتۋدى ۇيىمداستىرۋعا تولەماقى الىنبايدى.
ەگەر وپەراتور مۇنداي قوسىلۋدى ۇزبەگەن جاعدايدا, وندا ابونەنتكە كورسەتىلگەن ۇيالى بايلانىس قىزمەتتەرىنە ەسەپتەلگەن قارىزدى تولەمەۋگە بولادى, الايدا وپەراتور ابونەنتكە ەسەپتەلگەن قارىزدى قايتا ەسەپتەۋدى جۇزەگە اسىرادى.
ەگەر بايلانىس وپەراتورى تاريفتەلەتىن قوسىلىس باستالعانعا دەيىن ابونەنتكە وسىنداي قوسىلىستىڭ قۇنى تۋرالى حابارلاماسا, وندا زياتكەرلىك قىزمەتتەرگە (لوتەرەيا, داۋىس بەرۋ, تەلەۆيكتورينا, ۆيكتورينا, انىقتامالىق- اقپاراتتىق قىزمەتتەر, تانىسۋ قىزمەتتەرى) قاتىناۋدى ۇسىنعانى ءۇشىن تولەم الىنبايدى.
29. ابونەنتكە كورسەتىلگەن تىركەلگەن تەلەفون بايلانىسى قىزمەتتەرى ءۇشىن بيللينگ جۇيەسىنىڭ شوت قالىپتاستىرۋىنا نەگىز ولشەم بىرتۇتاستىعىن قامتاماسىز ەتۋدىڭ مەملەكەتتىك جۇيەسى تىزىلىمىنە ەنگىزىلۋى ءتيىس جانە قولدانىستاعى تەكسەرىم سەرتيفيكاتىنا يە قوسىلىستاردىڭ ۇزاقتىعىن ولشەۋ جۇيەسىنىڭ دەرەكتەرى جانە دەرەكتەر بەرۋدى ولشەۋ جۇيەسى بولىپ تابىلادى.
30. قازاقستان رەسپۋبليكاسى اۋماعىنان شىعاتىن حالىقارالىق تەلەفون قوسىلۋلارى, شاقىرىلۋشى تۇلعا ەسەبىنەن تولەنەتىن حالىقارالىق تەلەفون بايلانىسىنىڭ قىزمەتتەرىن قوسپاعاندا, قازاقستان رەسپۋبليكاسىندا تولەنەدى.
4 پاراگراف.تەلەفون قىزمەتىن كورسەتۋ تۋرالى
شارت جاساۋ ەرەكشەلىكتەرى
31. تەلەفون بايلانىسى قىزمەتتەرى جەكە تۇلعالارعا تەلەفون بايلانىسى قىزمەتتەرىن كورسەتۋ تۋرالى شارت نەگىزىندە كورسەتىلەدى جانە ول ابونەنتتىڭ شارت جاساسۋ تۋرالى ءوتىنىشتى بەرۋى ارقىلى, ونى قۇپتاعانىنان كەيىن قولدانىسقا ەنگىزىلەدى.
32. زاڭدى تۇلعالارعا تەلەفون بايلانىسى قىزمەتتەرى جازباشا نىساندا جاسالاتىن تەلەفون بايلانىسى قىزمەتتەرىن كورسەتۋ تۋرالى شارت نەگىزىندە كورسەتىلەدى.
33. ءوزىنىڭ بايلانىس وپەراتوردىڭ ينتەرنەت-رەسۋرسىنداعى جەكە كابينەت ارقىلى نەمەسە ابونەنتتى سايكەستەندىرەتىن دەرەكتەردى (ابونەنتتىك ءنومىر, پارول, قۇپيا ءسوز جانە باسقا دا مالىمەتتەر) پايدالانا وتىرىپ, ابونەنتتى سايكەستەندىرگەننەن كەيىن تەلەفونمەن ينتەراكتيۆتى قارىم-قاتىناس جاساۋ ابونەنتتىڭ وتىنىشىنە تەڭ بولادى.
34. شارتتا مىناداي دەرەكتەمەلەردى قامتيدى:
1) بايلانىس وپەراتورىنىڭ اتاۋى;
2) شارت ءمانى;
3) قىزمەتتەر كورسەتۋدىڭ جالپى تالاپتارى;
4) شارتتىڭ قولدانىس مەرزىمى جانە ونى وزگەرتۋ مەن بۇزۋ تالاپتارى;
5) تەلەفون بايلانىس قىزمەتتەرىن ەسەپتەۋ ءتارتىبى, شوتتى جەتكىزۋ ءتاسىلى;
6) ەسەپ ايىرىسۋ ءتارتىبى مەن مەرزىمدەرى;
7) ابونەنتتىڭ قۇقىعى مەن مىندەتتەرى;
8) بايلانىس وپەراتورىنىڭ قۇقىعى مەن مىندەتتەرى;
9) تاراپتاردىڭ جاۋاپكەرشىلىگى جانە داۋلاردى رەتتەۋ;
10) وزگە دە شارتتار;
11) بايلانىس وپەراتورىنىڭ زاڭدى مەكەنجايى مەن دەرەكتەمەلەرى (ەسەپ ايىرىسۋ شوتىنىڭ دەرەكتەمەلەرى, ەگەر كورسەتىلەتىن قىزمەتتەر ليتسەنزيالاناتىن بولسا, وندا بەرىلگەن ليتسەنزيانىڭ دەرەكتەمەلەرى);
12) ابونەنت تۋرالى مالىمەتتەر: پوشتالىق مەكەنجايى, ەلەكتروندى پوشتا ادرەسى, تەلەفون ءنومىرى, زاڭدى تۇلعالار ءۇشىن – بيزنەس-سايكەستەندىرۋ ءنومىرى, جەكە تۇلعالار ءۇشىن – جەكە سايكەستەندىرۋ ءنومىرى.
13) قازىرگى زاڭناماعا سايكەس تەلەفون بايلانىس قىزمەتىن ۇسىنۋ بويىنشا تالاپ جانە شەكتەۋ;
20) ينتەللەكتۋالدىق قىزمەتتى الۋدان ابونەنتتىڭ باس تارتۋى نەمەسە كەلىسىمى (لوتەرەيا, داۋىس بەرۋ, تەلەۆيكتورينا, ۆيكتورينا, اقپاراتتىق-انىقتاما قىزمەتى, تانىسۋ قىزمەتى).
35. بايلانىس وپەراتورى ابونەنتكە شارت جاساۋعا جانە ورىنداۋعا قاجەتتى اقپاراتتى ۇسىنادى. كورسەتىلگەن اقپارات كورنەكى تۇردە جانە قولجەتىمدى نىساندا بۇقارالىق اقپارات قۇرالدارى, انىقتاما-اقپاراتتىق قىزمەتتەر ارقىلى, سونداي-اق تەلەفون بايلانىسى قىزمەتتەرىن كورسەتۋ ورىندارىندا ابونەنتتىڭ جانە (نەمەسە) پايدالانۋشىنىڭ نازارىنا تەگىن جەتكىزىلەدى.
36. بايلانىس وپەراتورىنىڭ شارت جاساۋ بارىسىندا ابونەنتكە جانە (نەمەسە) پايدالانۋشىعا ۇسىناتىن اقپاراتى مىنالاردى قامتيدى:
1) اتاۋى (فيرمالىق اتاۋى), فيليالدار تىزبەسى, ورنالاسقان جەرى جانە جۇمىس ءتارتىبى;
2) ەسەپ ايىرىسۋ شوتىنىڭ دەرەكتەمەلەرى;
3) بەرىلگەن ليتسەنزيانىڭ دەرەكتەمەلەرى;
4) تەلەفون بايلانىسى قىزمەتتەرىنىڭ تىزبەسى, ولاردى كورسەتۋ شارتتارى مەن ءتارتىبى:
كورسەتىلەتىن قىزمەتتەردىڭ تيپتەرى مەن اقىلى جانە تەگىن قىزمەتتەردى كورسەتە وتىرىپ, ولاردىڭ ەگجەي-تەگجەيلى سيپاتتاماسى;
قىزمەتتەر كورسەتۋ ءتارتىبى مەن تالاپتارى;
باستاپقى قوسىلۋ جۇزەگە اسىرىلاتىن اقىرعى مەرزىم;
قىزمەتتەردى كورسەتۋ توقتاتىلاتىن تالاپتار;
5) شارت مانىمەن بايلانىستى تەحنيكالىق كۇتىم جاساۋ قىزمەتتەرى تۋرالى اقپارات:
تەحنيكالىق كۇتىم جاساۋ جۇرگىزىلەتىن تالاپتار;
انىقتاما-اقپاراتتىق قىزمەتتەر مەن جوندەۋ قىزمەتتەرىنىڭ ابونەنتتىك نومىرلەرى;
6) تەلەفون بايلانىسى قىزمەتتەرىنە ارنالعان تاريفتەر تۋرالى اقپارات:
ءاربىر قىزمەتتى جەكە العانداعى تاريفتەرى مەن قۇنى;
قولدانۋ تالاپتارى;
قىزمەتتەر كورسەتۋ بارىسىنداعى تالاپتار, قولدانىلاتىن تاريفتەر مەن باعا تۋرالى وزەكتى اقپاراتتى الۋ ءتارتىبى;
كورسەتىلگەن قىزمەتتەرگە اقى تولەۋ ءتارتىبى, نىساندارى مەن تاسىلدەرى;
7) قالاارالىق جانە حالىقارالىق تەلەفون بايلانىسى وپەراتورىن تاڭداۋ كودتارىنىڭ تىزبەسى;
8) شارت جاساۋ تۋرالى ءوتىنىشتى قاراۋ ءتارتىبى مەن مەرزىمدەرى;
9) ابونەنتتىڭ جانە (نەمەسە) پايدالانۋشىنىڭ شاعىمدارىن قاراۋ ءتارتىبى, داۋ جاعدايلاردى شەشۋ راسىمدەرى;
10) اقپاراتتىق-انىقتامالىق قىزمەتتەر مەن جوندەۋ بيۋروسىنىڭ تەلەفون نومىرلەرى;
11) ابونەنت جانە (نەمەسە) پايدالانۋشى وسى قاعيدالارمەن تولىق كولەمدە تانىسا الاتىن ورىنداردى كورسەتۋ.
شارت قازاقستان رەسپۋبليكاسىنىڭ ازاماتتىق زاڭناماسىنداعى نورمالارمەن كوزدەلگەن جاعدايدا بۇزىلادى ء(وزىنىڭ قولدانىسىن توقتادادى).
37. شارت جاساسۋ تۋرالى ءوتىنىش ەركىن تۇردە ۇسىنىلادى:
1) تۇرعىلىقتى جەرىندە بەلگىلەنگەن تارتىپپەن تىركەلگەن, تولىق ءىس-ارەكەتكە قابىلەتتى كەز كەلگەن جەكە تۇلعا نەمەسە تۇرعىن ءۇيدىڭ يەسى نەمەسە تۇرعىن ءۇيدى جالعا الۋشى بەرە الادى.
كامەلەتتىك جاسقا تولماعان جەكە تۇلعالار شارت جاساۋ تۋرالى ءوتىنىشتى زاڭدى وكىلدەرىنىڭ (اتا-اناسىنىڭ, اسىراپ الۋشىلارىنىڭ, قامقورشىلارىنىڭ) جازباشا كەلىسىممەن بەرەدى;
2) ءوزى ورنالاسقان جەرى بويىنشا تىركەلگەن, ءۇي-جايدىڭ مەنشىك يەسى نەمەسە ءۇي-جايدى جالداۋشى بولىپ تابىلاتىن زاڭدى تۇلعا, ونىڭ فيليالى نەمەسە وكىلدىگى بەرە الادى.
بايلانىس وپەراتورى جەكە نەمەسە زاڭدى تۇلعانىڭ ءوتىنىشىن قابىلداۋدان باس تارتا المايدى.
38. بايلانىس وپەراتورى بەلگىلەنگەن تارتىپپەن مىناداي قۇجاتتار بولعان جاعدايدا ءوتىنىشتى قابىلدايدى جانە تىركەيدى:
1) جەكە تۇلعا ءۇشىن – كورسەتىلگەن مەكەنجاي بويىنشا ونىڭ تىركەلگەنىن راستايتىن قۇجات نەمەسە تۇرعىن ءۇيدى جەكە مەنشىگىنە ساتىپ الۋى, جالعا (ارەندا) نەمەسە جالدان جالعا العانى تۋرالى قۇجات, سونداي-اق ءوتىنىش بەرۋشىنىڭ جەكەباسىن راستايتىن قۇجات. ونىڭ كورسەتىلگەن مەكەنجاي بويىنشا تىركەلگەنىن راستايتىن قۇجات نەمەسە تۇرعىن ءۇيدى جەكە مەنشىگىنە ساتىپ الۋى, جالعا الۋى نەمەسە جالدان جالعا الۋى تۋرالى قۇجات دەپوزيت (الدىن الا تولەم) ەنگىزىلگەن جاعدايدا ۇسىنىلماۋى مۇمكىن.
2) زاڭدى تۇلعالار ءۇشىن – كورسەتىلگەن مەكەنجاي بويىنشا ونىڭ تىركەلگەنىن راستايتىن قۇجات نەمەسە ءۇيدى مەنشىككە ساتىپ الۋى, جالعا (ارەندا), سۋبارەندا, جالدان جالعا العانى تۋرالى قۇجات. ونىڭ كورسەتىلگەن مەكەنجاي بويىنشا تىركەلگەنىن راستايتىن قۇجات نەمەسە تۇرعىن ءۇيدى مەنشىگىنە ساتىپ الۋى, جالعا (ارەندا), سۋبارەندا, جالدان جالعا العانى تۋرالى قۇجات دەپوزيت (الدىن الا تولەم) ەنگىزىلگەن جاعدايدا ۇسىنىلماۋى مۇمكىن.
39. ۇجىمدىق پايدالانىلاتىن تەرمينالدى قوسا وتىرىپ, شارت جاساسۋ تۋرالى ءوتىنىشتى وسى پاتەردە تۇراتىن, ءار وتباسىنان بىرەۋدەن جانە وسى تۇرعىن ءۇي اۋدانىندا بەلگىلەنگەن تارتىپپەن تىركەلگەن تۇلعالاردىڭ بەلگىلەنگەن تارتىپپەن كۋالاندىرىلعان جازباشا كەلىسىمىمەن جەكە تۇلعا بەرە الادى.
40. ءوتىنىش بەرۋ كەزىندە جاڭا مەكەنجاي بويىنشا بەلگىلەنگەن تارتىپپەن تىركەلگەن نەمەسە بۇرىنعى ءوتىنىش بەرۋشىمەن قاتار وسى تۇرعىن ۇيگە مەنشىك قۇقىعى بار تۇلعالار شارت جاساسۋ تۋرالى ءوتىنىشتى جاڭا مەكەنجاي بويىنشا نەمەسە جاڭا تۇلعاعا بۇرىنعى مەكەنجاي بويىنشا قايتا رەسىمدەي الادى.
شارت جاساسۋ تۋرالى ءوتىنىشتى بەرۋ مەرزىمىنەن كەش تۇرعىن جايعا تىركەلگەن تۇلعالار نەمەسە ونىڭ مەنشىك يەسى بولعان تۇلعالار وسى مەكەنجاي بويىنشا تىركەۋ كۇنىمەن ءوتىنىشتى وزىنە قايتا راسىمدەي الادى.
كورسەتىلگەن شارتتى جاساسۋ تۋرالى ءوتىنىشتى جاڭا تۇلعاعا قايتا رەسىمدەۋ, ونىڭ كەتۋىمەن نەمەسە قايتىس بولۋىمەن بايلانىستى قۇجاتتارمەن راستالعان جاعدايلاردى قوسپاعاندا, بۇرىنعى ءوتىنىش بەرۋشىنىڭ كەلىسىمىمەن ىسكە اسىرىلادى.
41. شارت جاساسۋ تۋرالى ءوتىنىش بەرۋ كەزىندە ءوتىنىش بەرۋشى وتباسىنىڭ مۇشەلەرى كامەلەتتىك جاسقا تولماعان بولسا, ءوتىنىش بەرۋشىنىڭ كەتۋى نەمەسە قايتىس بولۋى جاعدايىندا قازاقستان رەسپۋبليكاسىنىڭ ازاماتتىق زاڭناماسىنا سايكەس تولىق ءىس-ارەكەت قابىلەتتىلىگى تۋعان ساتتەن باستاپ وسى ءوتىنىشتى وزىنە قايتا رەسىمدەي الادى.
كامەلەتتىك جاسقا جەتكەنگە دەيىن ولاردىڭ اتىنان اتا-انالارى, سونداي-اق قازاقستان رەسپۋبليكاسىنىڭ 2011 جىلعى 26 جەلتوقسانداعى «نەكە (ەرلى-زايىپتىلىق) جانە وتباسى تۋرالى» كودەكىسى ايقىنداماسىندا بەلگىلەنگەن تارتىپپەن تاعايىندالعان قامقورشىلار نەمەسە اسىراپ الۋشىلار ءوتىنىشتى قايتا رەسىمدەي الادى.
42. ءوتىنىش بەرۋشىنىڭ سول بايلانىس وپەراتورىنىڭ جەرگىلىكتى تەلەكوممۋنيكاتسيا جەلىسىنىڭ ارەكەت ايماعى شەگىندە قونىس اۋدارۋى كەزىندە ونىڭ جاڭا مەكەنجايى بويىنشا كەزەگى, ەگەر بۇرىنعى مەكەنجايى بويىنشا سۇراۋى قاناعاتتاندىرىلماسا, شارت جاساسۋ تۋرالى العاشقى ءوتىنىشىن بايلانىس وپەراتورى تىركەگەن كۇنى بويىنشا ەسەپتەلەدى.
43. شارت تەحنيكالىق مۇمكىندىك بولعان جاعدايدا تەلەفون بايلانىسى قىزمەتتەرىن كورسەتۋگە ءوتىنىش بەرۋ كەزەگى تارتىبىندە جاسالادى.
44. بايلانىس وپەراتورى ءوتىنىش بەرۋشىگە تەلەفون بايلانىسى قىزمەتتەرىن كورسەتۋگە تەحنيكالىق مۇمكىندىك بولماعان جاعدايلاردان باسقا جاعدايدا, ءوتىنىش بەرگەن جەكە نەمەسە زاڭدى تۇلعالارمەن شارت جاساسادى.
45. بايلانىس وپەراتورى ءوتىنىش بەرۋشىمەن شارت جاساسۋدان مىناداي جاعدايلاردا باس تارتادى:
1) ەرەجەنىڭ 38 تارماعىنا سايكەس ءوتىنىش بەرۋشى قۇجاتتار توپتاماسىن تولىق ۇسىنباسا نەمەسە دەپوزيت (الدىن الا تولەم) ەنگىزبەسە;
2) ءوتىنىش بەرۋشى ناقتىلانباعان اقپارات كورسەتكەن جاعدايدا;
3) ەگەر ءوتىنىش بەرۋشىنىڭ اۋدانى تەلەفونداندىرىلماعان, ياعني بايلانىس وپەراتورىنىڭ جەلىسى بولماعان جاعدايدا;
4) اتس نومىرلىك سىيىمدىلىق بولماعاندا;
5) ماگيسترالدىق جانە تاراتۋ سىيىمدىلىعى بولماعاندا.
46. قوسارلى سۇلبا بويىنشا جۇمىس ىستەيتىن تەلەفون اپپاراتتارى اۋە ابونەنتتىك جەلىجولىنىڭ مۇمكىن ۇزاقتىعى شەگىندە ورناتىلادى.
47. بىرنەشە وتباسى تۇراتىن پاتەردىڭ تۇرعىنى بولىپ تابىلاتىن ءوتىنىش بەرۋشىگە, بايلانىس وپەراتورى مەن ءوتىنىش بەرۋشى اراسىندا جەكە شارت جاساسقان جاعدايدا عانا دەربەس پايدالانىلاتىن تەرمينال ورناتىلۋى مۇمكىن.
48. جاڭا اۆتوماتتى تەلەفون ستانسالارىن پايدالانۋعا ەنگىزۋ جانە جەرگىلىكتى تەلەفون جەلىلەرىن قايتا قۇرۋعا بايلانىستى ابونەنتتىك نومىرلەردى بايلانىس وپەراتورىنىڭ ءوز باستاماسىمەن اۋىستىرۋ پايدالانۋشىلاردى كۇنى بۇرىن ەسكەرتە وتىرىپ, تەگىن جاسالادى.
ابونەنتتىك نومىرلەر جاپپاي وزگەرگەن كەزدە, بايلانىس وپەراتورى بۇل تۋرالى پايدالانۋشىلارعا 30 كۇنتىزبەلىك كۇن بۇرىن حاباردار ەتەدى.
ابونەنتتىك ءنومىردى اۋىستىرعان جاعدايدا بايلانىس وپەراتورى تەحنيكالىق مۇمكىندىك بولسا, بۇرىن كورسەتىلگەن قوسىمشا تەلەفون بايلانىسى قىزمەتتەرىن (شىعىس بايلانىستى شەكتەۋ, قوڭىراۋلى ساعات, قايتا ادرەستەۋ, اۆتوجاۋاپبەرگىش جانە باسقا دا قوسىمشا قىزمەتتەر) جاڭا ابونەنتتىك ءنومىردىڭ اتىندا قالدىرادى.
49. ورتاق پايدالانىلاتىن تەلەكوممۋنيكاتسيا جەلىلەرىنە شىعۋعا قۇقىلى 128 نومىردەن اساتىن ابونەنتتەر سانى بار ابونەنتتىك جەلىلەر بويىنشا شاعىن اتس-كە (اۆتوماتتاندىرىلعان تەلەفوندى ستانسا) قوسۋعا شارت جاساسۋ, زاڭنىڭ 8 بابىنىڭ 1 تارماعى 19) تارماقشاسىنا جانە تەلەكوممۋنيكاتسيا جەلىلەرىن ورتاق پايدالاناتىن تەلەكوممۋنيكاتسيا جەلىسىنە قوسۋ جانە قازاقستان رەسپۋبليكاسىنىڭ ورتاق پايدالانىلاتىن تەلەكوممۋنيكاتسيا جەلiسى بويىنشا ترافيكتى وتكىزۋدى رەتتەۋ ەرەجەلەرىمەن رەتتەلەدى.
5 پاراگراف. تەلەفون بايلانىسى قىزمەتتەرى ءۇشىن ەسەپ ايىرىسۋ
50. تەلەفون بايلانىسى قىزمەتتەرى ءۇشىن تولەۋ نىسانى مەن ءتارتىبى شارتتا كورسەتىلەدى. ەسەپ ايىرىسۋ تاريفتەۋ بىرلىكتەرىندە جۇرگىزىلەدى.
تەلەفون بايلانىسى قىزمەتتەرى ءۇشىن ابونەنتپەن ەسەپ ايىرىسۋدى ولاردى ۇسىنعان بايلانىس وپەراتورى نەمەسە شارت نەگىزىندە وعان ۋاكىلەتتى تۇلعا جۇرگىزەدى.
51. تەلەفون بايلانىسى قىزمەتتەرى ءۇشىن تولەمدەر قازاقستان رەسپۋبليكاسىنىڭ 1998 جىلعى 29 ماۋسىمداعى «اقشا تولەمى جانە اۋدارىمى تۋرالى» زاڭى ايقىنداعان نورمالارعا سايكەس جۇزەگە اسىرىلادى.
52. كورسەتىلگەن تەلەفون بايلانىسى قىزمەتتەرىن تولەۋ ءۇشىن ابونەنتتىڭ اقشالاي مىندەتتەمەلەرىن كورسەتەتىن, ەسەپ ايىرىسۋ قۇجاتى بولىپ تابىلاتىن شوت ۇسىنىلادى, نە بولماسا, كورسەتىلگەن بايلانىس قىزمەتتەرى ءۇشىن بەرەشەك تۋرالى اقپارات بەرىلەدى.
53. شوت ابونەنتكە تاڭداعان تاسىلىنە سايكەس جەتكىزىلەدى. جەتكىزۋ ءتاسىلى نۇسقالارى ءبىر ءبىرىنىڭ ورنىن الماستىرۋشى بولىپ تابىلادى.
ابونەنتكە كورسەتىلگەن قىزمەتكە تولەم ءۇشىن شوت پوشتامەن (نەمەسە ەلەكتروندى ادرەسكە) جىبەرىلگەن جاعدايدا بايلانىس